ഓട്ടോറിക്ഷയില്‍ സിഗരറ്റ് പാക്കറ്റിനുള്ളില്‍ ഒളിപ്പിച്ച് കടത്തുകയായിരുന്ന എം.ഡി.എം.എയുമായി ഒരാള്‍ പിടിയില്‍

samakalikam
By samakalikam 1 Min Read

നീലേശ്വരം: ഓട്ടോറിക്ഷയില്‍ സിഗരറ്റ് പാക്കറ്റിനുള്ളില്‍ ഒളിപ്പിച്ചുകടത്തുകയായിരുന്ന 0.890 ഗ്രാം എം.ഡി.എം.എയുമായി ഒരാള്‍ നീലേശ്വരത്ത് പിടിയിലായി. ഒഴിഞ്ഞവളപ്പ് അനന്തംപള്ള സ്വദേശി ലാലു എന്ന പി.വി ഷിജുവിനെ(43)യാണ് നീലേശ്വരം പൊലീസ് ഇന്‍സ്‌പെക്ടര്‍ പ്രേംസദന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
ജില്ലാ പൊലീസ് മേധാവി ഡോ. വൈഭവ് സക്സേന, കാഞ്ഞങ്ങാട് ഡി.വൈ.എസ്.പി ബാലകൃഷ്ണന്‍ നായര്‍ എന്നിവരുടെ നേതൃത്വത്തില്‍ മയക്കുമരുന്ന് വേട്ട ശക്തമാക്കിയതിന്റെ അടിസ്ഥാനത്തിലാണ് വെള്ളിയാഴ്ച രാത്രി നീലേശ്വരം നെടുങ്കണ്ട റോഡില്‍ വാഹന പരിശോധന നടത്തുകയായിരുന്ന പൊലീസ് സംഘം എം.ഡി.എം.എയുമായി ലാലുവിനെ പിടികൂടിയത്. പൊലീസ് കൈകാണിച്ചപ്പോള്‍ ഓട്ടോറിക്ഷ നിര്‍ത്താതെ പോകാന്‍ ശ്രമിച്ചെങ്കിലും പൊലീസ് പിന്തുടര്‍ന്ന് പിടികൂടുകയായിരുന്നു. എം.ഡി.എം.എ ഓട്ടോ റിക്ഷയുടെ ഡാഷ്ബോര്‍ഡില്‍ സിഗരറ്റ് പാക്കറ്റില്‍ സൂക്ഷിച്ച നിലയിലായിരുന്നു. ആവശ്യക്കാര്‍ക്ക് ആവശ്യാനുസരണം എം.ഡി.എം.എ എത്തിക്കുന്ന ഷിജുവില്‍ നിന്ന് പൊട്ടിയ ഗ്ലാസ്സ്, ലൈറ്റര്‍, ഗ്ലാസ്സ് പൈപ്പ് എന്നിവയും കണ്ടെടുത്തു. എസ്.ഐ ശ്രീജേഷ്, സീനിയര്‍ സിവില്‍ പൊലീസ് ഓഫീസര്‍ ആനന്ദ കൃഷ്ണന്‍ പി.കെ, ഗീരീശന്‍ എം.വി, കുഞ്ഞബ്ദുല്ല എന്‍, വിനോദ് കോടോത്ത്, പ്രദീപന്‍ കോതോളി എന്നിവരും പരിശോധനയില്‍ പങ്കെടുത്തു.

സമകാലികം വാർത്ത ഗ്രൂപ്പിൽ അംഗമാകാൻ

https://chat.whatsapp.com/HzgrULZM2JX07esbz97QoY
വാർത്തകൾ, പരസ്യങ്ങൾ നൽകാൻ
7356018001

Share this Article
Leave a comment

Leave a Reply

Your email address will not be published. Required fields are marked *